الائنس کرانا سیاست میں مداخلت کے مترادف ہے، قمر زمان کائرہ
پیپلز پارٹی کے سینئر رہنما قمر زمان کائرہ نے کہا ہے کہ الائنس کرانا سیاست میں مداخلت کے مترادف ہے۔
جہانیاں میں میڈیا سے گفتگو میں قمر زمان کائرہ نے کہا کہ الیکشن مقرر وقت پر ہوں گے، نہ ہونےکی وجہ نظر نہیں آتی۔
انہوں نے کہا کہ تمام جماعتوں کو الیکشن لڑنےکا موقع دیا جائے گا، بلدیاتی انتخابات میں پیپلز پارٹی کی جیت عوامی مقبولیت کی دلیل ہے۔
پی پی رہنما نے مزید کہا کہ پنجاب میں پیپلز پارٹی پرانے ساتھیوں کے چھوڑ جانے سے کمزور ہوئی، ناراض ساتھیوں کو واپس لایا جائے گا۔
اُن کا کہنا تھا کہ الائنس کرانے کی روایت سیاست میں مداخلت کے مترادف ہے۔