وزیر خزانہ اقتصادی سروے 11 جون کو جاری کردیں گے

3

وزیر خزانہ سینیٹر محمد اورنگزیب رواں مالی سال کا اقتصادی سروے 11 جون کو جاری کریں گے۔

ذرائع کے مطابق وزیر خزانہ 11 جون کو اقتصادی سروے کے اہم نکات پر بریفنگ دیں گے۔

ذرائع کہنا ہے کہ رواں مالی سال حکومت کو اہم معاشی اہداف کے حصول میں ناکامی کا سامنا رہا۔ اقتصادی ترقی، صنعتی ترقی، مہنگائی، چھوٹی فصلوں، بجلی کی پیداواری اہداف حاصل نہ ہو سکے۔

ذرائع کے مطابق رواں مالی سال شرح سود 22 فیصد تک بڑھانے کے باوجود مہنگائی 21 فیصد کے مقررہ ہدف کے برعکس 26 فیصد رہی۔

پاکستان کی جی ڈی پی کا حجم 36 ارب 70 کروڑ اضافے سے 374 ارب 90 کروڑ ڈالر ہو گیا۔

جیو نیوز کو ملنے والی معلومات کے مطابق صنعتی شعبے کی پیداوار 3 اعشاریہ 4 فیصد کے برعکس 1 اعشاریہ 2 اور مینوفیکچرنگ سیکٹر کی پیداوار 4 اعشاریہ 3 فیصد ہدف کے برعکس 2 اعشاریہ 4 فیصد رہی۔

معلومات کے مطابق سروس سیکٹر کی ترقی 3 اعشاریہ 6 فیصد ہدف کے برعکس 1 اعشاریہ 2 فیصد رہی۔ اشیاء کا درآمدی بل 58 ارب ڈالر کے برعکس 55 ارب ڈالر تک محدود رہنے کا تخمینہ ہے۔

رواں مالی سال کے دوران 30 ارب ڈالر کا برآمدی ہدف حاصل ہونے کا تخمینہ ہے، اشیاء کا تجارتی خسارہ 28 ارب ڈالر ہدف کے برعکس 25 ارب ڈالر رہنے کا تخمینہ ہے۔

رواں مالی سال زرعی شعبے کی گروتھ 6 اعشاریہ 25 فیصد رہی جبکہ سروسز سیکٹر کی گروتھ 1 اعشاریہ 21 فیصد اور صنعتی شعبے کی گروتھ بھی 1 اعشاریہ 21 فیصد رہی ہے۔

گندم کی پیداوار شرح نمو کا 11 اعشاریہ 64، کپاس کی پیداوار میں 108 اعشاریہ 22، چاول کی پیداوار میں 34 اعشاریہ 78 فیصد اضافہ ہوا۔

گنے کی پیداوار میں صفر اعشاریہ 39 اور مکئی کی پیداوار میں 10 اعشاریہ 35 فیصد کی کمی ریکارڈ کی گئی۔

جواب چھوڑیں

آپ کا ای میل ایڈریس شائع نہیں کیا جائے گا.

تازہ ترین
پی ٹی آئی اور سنی اتحاد کونسل کی حکمتِ عملی طے گروتھ ریٹ کی 2030ء تک بھی ریکوری نہیں ہو سکے گی: زرتاج گل بجٹ میں جہاں فارم 47 والے پٹری سے اترے وہاں روکیں گے: ثناء اللّٰہ مستی خیل پی ایس ایکس 100 انڈیکس کے ایک دن میں کئی ریکارڈز زرمبادلہ ذخائر میں 60 لاکھ ڈالر کی کمی اسٹاک ایکسچینج میں بجٹ کے بعد تیزی، انڈیکس 72 ہزار سے 75 ہزار پر آ گیا زیادہ آمدن والوں پر زیادہ ٹیکس کے نفاذ پر اعتراض نہیں ہونا چاہیے: وزیرِ خزانہ اورنگزیب جو راستہ شہباز شریف نے اختیار کیا وہ مشکل اور کٹھن ضرور ہے، حکومت کو کچھ وقت دیں: علی پرویز ملک اس بار بھی آئی ایم ایف کی دستاویز کو بجٹ کا نام دیا گیا: حافظ نعیم الرحمٰن سونا آج فی تولہ 1200 روپے سستا ہو گیا پیٹرول کی قیمت میں تقریباً 9 روپے کمی کا امکان وزیرِخزانہ کی پوسٹ بجٹ پریس کانفرنس سے قبل صحافیوں کا احتجاج پنجاب کا بجٹ آج پیش کیا جائے گا شعبۂ صحت کیلئے 27.86 ارب روپے مختص مالی سال 25-2024ء کیلئے سندھ پولیس کی بجٹ تجاویز