ایل پی جی کی فی کلو قیمت میں 80 پیسے کی کمی
آئل اینڈ گیس ریگولیٹری اتھارٹی( اوگرا) نے مارچ کےلیے لیکوڈ پیٹرولیم گیس (ایل پی جی) کی فی کلو قیمت میں 80 پیسے کی کمی کردی۔
اوگرا نوٹیفکیشن کے مطابق حالیہ کمی کے بعد 11 اعشاریہ 8 کلو کے گھریلو سلنڈرکی قیمت میں 9 روپے 51 پیسے کی کمی رونما ہوئی ہے۔
نوٹیفکیشن کے مطابق قیمت میں کمی کے بعد 11 اعشاریہ 8 کلو کا گھریلو سلنڈر 3 ہزار 30 روپے کا ہوگیا ہے جبکہ فروری میں اس کی قیمت 3 ہزار 39 روپے تھی۔
نوٹیفکیشن کے مطابق نئی قیمتوں کے بعد ایل پی جی کی فی کلو قیمت 257روپے 59 پیسے سے کم ہو کر 256 روپے 78 پیسے پر آگئی ہے۔