رواں مالی سال کے 6 ماہ میں کس نے کتنا ٹیکس دیا؟ تفصیلات سامنے آگئیں

5


فیڈرل بورڈ آف ریونیو (ایف بی آر) نے ملک بھر سے رواں سال مختلف طبقات سے وصول کردہ ٹیکس کی تفصیلات جاری کردیں۔

ایف بی آر نے تنخواہ دار، برآمد اور درآمدکنندگان، ٹھیکیداروں اور بینکوں کے کھاتہ داروں کے ادا کردہ ٹیکس کی تفصیل جاری کی ہے۔

ایف بی آر کے مطابق رواں مالی سال کے پہلے 6 ماہ میں تنخواہ دار طبقے نے 158 ارب روپے ٹیکس دیا جو برآمد کنندگان کی نسبت 248 فیصد زائد ہے۔

ایف بی آر کے مطابق رواں مالی سال کے پہلے 6 ماہ میں تنخواہ دار طبقے نے گزشتہ برس کی نسبت 38 فیصد زائد ٹیکس ادا کیا ہے۔

فیڈرل بورڈ آف ریونیو نے امکان ظاہر کیا ہے کہ رواں سال تنخواہ دار طبقے سے 300 ارب روپے ٹیکس اکٹھا ہوسکتا ہے۔

ایف بی آر اعلامیے کے مطابق رواں مالی سال پہلے 6 ماہ میں سب سے زیادہ ٹیکس 228 ارب روپے ٹھیکداروں نے ادا کیا، جو گزشتہ برس کی نسبت 31 فیصد زیادہ ہے۔

اعلامیے کے مطابق بینکو ں میں کھاتہ دار زیادہ ٹیکس ادائیگی میں دوسرے نمبر پر رہے، 6 ماہ کے دوران زیادہ ٹیکس ادا کرنے والوں میں درآمد کنندگان کا تیسرا نمبر پر ہیں۔

ایف بی آر اعلامیے کے مطابق رواں مالی سال کے پہلے 6 ماہ میں 57 فیصد ودہولڈنگ ٹیکس سے حاصل ہوا جبکہ گزشتہ 6 ماہ میں تنخواہ دار طبقے نے دکانداروں اور برآمدکنندگان کی نسبت 200 فیصد سے زائد ٹیکس ادا کیا۔

اعلامیے کے مطابق جولائی سے دسمبر برآمد کنندگان نے 1 فیصد کی شرح سے صرف 46 ارب ٹیکس ادا کیا جبکہ برآمدکنندگان نے گزشتہ 6 ماہ میں 15 ارب ڈالر کمائے۔

ایف بی آر اعلامیے کے مطابق گزشتہ 6 ماہ میں درآمد کنندگان نے189 ارب روپے ٹیکس ادا کیا۔

فیڈرل بورڈ آف ریونیو کے مطابق سندھ سے تنخواہ داروں نے 66 ارب ٹیکس دیا، جس میں سے صرف کراچی کے تنخواہ دار طبقے نے 57 ارب روپے ٹیکس ادا کیا۔

ایف بی آر اعلامیے کے مطابق پنجاب بھر سے تنخواہ دار طبقے نے 59 اعشاریہ 4 ارب روپے ٹیکس دیا، جس میں 33 ارب صرف لاہور سے اکٹھا کیے گئے۔

اعلامیے کے مطابق اسلام آباد سے 19، بلوچستان سے 4.2 ارب اور خیبرپختونخوا سے تنخواہ داروں نے 9 ارب روپے ٹیکس دیا۔

جواب چھوڑیں

آپ کا ای میل ایڈریس شائع نہیں کیا جائے گا.

تازہ ترین
فروری کے آخری کاروباری روز مثبت رجحان، انڈیکس 875 پوائنٹس بڑھ گیا وزارت خزانہ نے ماہانہ اکنامک اپ ڈیٹ آؤٹ لک رپورٹ جاری کردی سونے کی قیمت میں آج کتنا اضافہ ہوا؟ وزیراعلیٰ پنجاب مریم نواز کی ہدایت پر میواسپتال کی ایمرجنسی میں نئے اسٹریچر اور بیڈز پہنچ گئے معاشی ماہرین کا پی ٹی آئی کے آئی ایم ایف کو خط پر ردِعمل پی ایم ڈی سی نے عام ڈاکٹروں کو ایستھیٹک میڈیسن کی پریکٹس سے روک دیا سونے کی فی تولہ قیمت میں 1100 روپے کی کمی 100 انڈیکس الیکشن کے بعد بلند ترین سطح پر بند چین نے پاکستان کا 2 ارب ڈالر کا قرض رول اوور کردیا نہار منہ ہلدی کا پانی پینے کے صحت پر 10 حیران کُن فوائد پاکستان میں 8 فروری کو انتہائی متنازع انتخابات کے باعث سیاسی خطرات بلند ہیں، موڈیز حکومت نیپرا کے غلط فیصلوں کا نوٹس لے، صدر کے سی سی آئی افتخار شیخ کاروبار کا ملا جلا دن، 100 انڈیکس میں 86 پوائنٹس کی کمی سونے کی فی تولہ قیمت میں 100 روپے کا اضافہ حکومت نے رواں مالی سال 16 فروری تک بینکنگ شعبے سے کتنا قرض لیا؟